Елімізде жылдам құжат дайындау қызметі уақытша тоқтады

Елімізде паспорт пен жеке куәліктерді жылдам жасап беру қызметі уақытша тоқтады. Жүйедегі ақауларға байланысты ақылы қызмет үшін төлем қабылдау мүмкін болмай тұр. Азаматтарға арналған үкімет осындай хабар таратты. Бұл төлем екінші деңгейлі банктер арқылы Ішкі істер министрлігінің ақпараттық өндірістік орталығына түседі. Халыққа қызмет көрсету орталығы штаттық режимде жұмыс істеп тұр делінген хабарламада. Жұмыс қашан қалпына келтірілетіні әзірге белгісіз. 

Оңғар Алпысбайұлы