Жаңалықтарды Telegram арнамыздан оқыңыз!Биыл Астанада 8 сот және Шымкент қаласында 4 сот біріктірілген. Ондағы мақсат - судъялардың жұмыс жүктемесін реттеп, оңтайландыру. Бұл туралы сот әкімшілігінің өкілдері халықаралық жиын барысында айтты. «Сот әкімшілігі тәуелсіз сот төрелігі үшін: әлемдік стандарттар және үздік тәжірибелер» атты басқосу барысында шетелдіктер Қазақстандағы сот жүйесін цифрландыру жұмысына оң баға беріп отыр. Жалпы салаға электронды жүйе іске қосылған кезде азаматтардың тек 5 пайызы арыз-өтінішін білдіретін. Қазір бұл көрсеткіш 95 пайызға жеткен. Инфрақұрылымды дамыту бойынша да нәтиже бар.
Нұрсұлтан Байтілесов, ҚР Сот әкімшілігі басшысының бірінші орынбсары:
Бүгінгі таңда елімізде көптеген жүзеге асқан инновациялық жобаларды таныстыруды жоспарлап отырмыз. Оның біріншісі ІТ бағыты бойынша дүние жүзінде 4-орынға шыққандығымыз. Екіншісі, инфрақұрылымдық дамыту жөнінде 34 мыңнан астам, алдыңғы екі жылда 11 сотқа арналған, ендігі жылы 40 мыңға жуық құрылымды енгізуді жоспарлап отырмыз.
Азамат Бейбітұлы
