Шетелдік сарапшылар волонтерлер форумына жоғары баға берді

Волентерлер форумына халықаралық сарапшылар жоғары баға берді. Олардың айтуынша, екі күнде өзекті мәселелер талқыланды. Расында да, волонтерлерге серпін беретін қадамдар бірнеше секция бойынша талқыланды. Мысалға, халықаралық волонтерлік бастамалар, еріктілер қозғалысының өңірлік шоғырлануы, осы саланы дамытудағы БАҚ рөлі, төтенше жағдайлар кезіндегі волонтерлік деген сияқты маңызды мәселелер қамтылды. Бұдан бөлек, экологиялық, әлуметтік және денсаулық сақтау бағыттарында еріктілердің жұмысы жайлы пікір алмасты. Ал халықаралық сарапшылар Қазақстанның волонтерлік қозғалысты қарқынды дамытып, бастамашыл болып жатқанын жоғары бағалап отыр.

Кубанычбек Өмірәлиев, Түркі мемлекеттері ұйымының бас хатшысы:

Қазақстан президенті Қасым-Жомарт Тоқаев 2020 жылды волонтерлер жылы деп белгілегенін білеміз. Бірікккен ұлттар ұйымында да бұл мәселені көтерді. Жақында ғана болған Түркі мемлекеттер ұйымының Анкарада өткен саммитінде де волонтер тақырыбын көтеріп, көңіл бөлді. Бұл өте маңызды мәселе. Қазір әлем бойынша волонтерлердің орны мен маңызы артып келеді. Осы форум да жалпыға үлгілі үндеу болып, дер уақытында өтті.

Азамат Бейбітұлы