Абай облысында өрт кезінде қаза болғандардың отбасына пәтер берілді

Мемлекет Басшысының тапсырмасы бойынша Абай облысында орман өрті салдарынан қаза тапқан азаматтардың отбасыларына пәтер кілттері табысталды. Опат болған 14 орманшы мен тракторшы Сергей Архиповтың жақындарына Семейдегі Қарағайлы шағын ауданында салынған жаңа баспаналар берілді. Абай облысының әкімі марқұм Саят Нұржігітов пен Амангелді Дүйсембаевтың отбасына 2 және 3 бөлмелі пәтердің кілттерін тапсырды. Одан бөлек мемлекет тарапынан әр отбасына 7 млн теңге, сондай-ақ, қосымша әр балаға 2 млн теңге төленеді. Асыраушысынан айрылғандықтан жәрдемақы, біржолғы әлеуметтік төлем беріледі. Облыс әкімі Нұрлан Ұранхаев отбасылардың жағдайы үнемі бақылауда болып, қосымша тағы қолдаулар көрсетілетіндігін жеткізді.

Ержан Жақып