Абай облысындағы өрт толықтай бақылауға алынды

Абай облысындағы өрт толық бақылауға алынды. Негізгі күш қатты жанып жатқан 3 ошаққа жұмылдырылған. Күшейіп кеткен жел жалынды сөндіруге едәуір кедергі болып жатыр. Дегенмен Төтенше жағдайлар министрлігінің өкілдері алдағы 1-2 күнде орман өртін толық сөндіреміз деп отыр. Бұл жұмыстарға 250 орманшы мен 20 дан астам техника жұмылдырылған.

Бұған дейін резерват иелігіндегі техникалардың ескі екенін хабарлаған едік. Алайда Экология министрлігі биылдан бастап Орман шаруашылықтарына бөлінген қаржы 2 есе артқанын айтып отыр. Тек толық игеріліп үлгермеген.

Нұрлан Қылышбаев, ҚР ЭТРМ орман шаруашылығы және жануарлар әлемі комитетінің төрағасы:

Былтырғы жылдан бастап Қаржы министрлігімен бірге жұмыс істеп, материалдық-техникалық жабдықтауға 2 есе қаражат бөлінді. Биылғы жылға осы техниканы сатып алуға 8 млрдтан астам қаржы бөлінді. Семей резерваттың өзіне 1,4 млрд теңге қарастырылған. Ертерек жабдықтау жүйесіне 4,1 млрд теңге қарастырылған. Осы 4 миллиардтан 2024 жылға және 25 жылға, 3 жылға қарастырылған.

Оңғар Алпысбайұлы