Жаңалықтарды Telegram арнамыздан оқыңыз!Елімізде қатерлі ісіктен көз жұматын балалар азаймай тұр. Ал онкологиялық емдеу орталықтарында орын жоқ. 130 балаға арналған клиникада 150-ден астам науқас жатыр. Мәселені депутат Ақмарал Әлназарова Сенатта көтерді. Оның сөзінше, қауіпті дертке шалдыққан балаларды халықаралық стандартқа сай емдеуге бар мүмкіндік жасалған. Дәрі-дәрмек жеткілікті. Алайда, осы дертке шалдыққандарды емдейтін екі орталықтың бірінің әбден тозығы жеткен. Түрлі қондырғылар 25 жылдан бері ауыстырылмаған. Депутат жаңа орталық ашу қажет дейді, себебі, ауыр дертпен күресіп жүрген бүлдіршіндер саны 5 мыңға жуықтаған. Жыл сайын 600-дей науқас бала тіркеледі.
Ақмарал Әлназарова, ҚР Парламенті Сенатының депутаты:
Қатерлік ісікпен ауыратын 40 баланы шетелге жіберу үшін 800 млн теңгедей қаражат қарастырылып отыр. Ол өте үлкен қаражат. Ал ол қаражат шетелге кетіп жатыр. Сол үшін біріншіден, жұмыс істеп жатқан медициналық медиатриялық орталығының ғимаратына қосымша ғимарат салу керек. Кем дегенде ол 200 төсек болуы керек.
