Абай облысындағы орман өрті толық сөндірілді

Абай облысы Бородулиха ауданындағы орман өрті толық сөндірілді. Дегенмен қызыл жалын шарпыған аумақ әлі бірнеше күн бойы бақылауда болады. Табиғи апат кезінде қауіпсіз жерге кеткен Березовка аулының тұрғындары түгелдей үйлеріне оралған. Жергілікті деңгейде жарияланған төтенше жағдай режимі әлі бір апта бойы сақталады. Бірнеше күнге созылған алапат өрт 3500 гектар жерді күлге айналдырған еді. Оны сөндіруге 800 адам 200 ге жуық техника, 10 тікұшақ жұмылдырылған болатын. Мамандар қазір тілсіз жаудан келген шығынды есептеп жатыр.

Ержан Жақып