Жаңалықтарды Telegram арнамыздан оқыңыз!Теріскейлік ғалымдар құрғақшылыққа және түрлі ауруларға төзімді бидай мен арпаның қосындысы саналатын тритикале тұқымын жасап шығарды.
Биыл «Дәурен» атты дәнді дақыл жергілікті шаруа қожалықтарының алқаптарында сынақтан өткізілуде. Будандастырылған тұқым Ақмола, Қарағанды және Солтүстік Қазақстан облыстарында егіледі. Мамандардың айтуынша, жаңа сұрып алынғаннан кейін 5 жыл бойы зерттеу жүргізіліп, өсіру технологиясы жасалған. Шығымдылығы өте жоғары. Гектарынан 32-ден 47 центнерге дейін өнім береді.
Олег Соловьев, автор:
Жаздық тритикале – өте құнарлы дақыл. Оны мал азығына, тағамға да пайланана беруге болады. Бастапқыда 100 тұқым шығарып, ішінен біреуін ғана іріктеп алдық. Көбейтуге 5 жыл уақыт кетті. Барлық жұмыс жаңа биотехнологиялық әдістер бойынша жүргізілді.
Эльмира Кәленова
