Жамбыл облысында жол апатынан 6 адам көз жұмды

Жамбыл облысында жол апатынан 6 адам көз жұмды, тағы 6 жолаушы ауруханада жатыр. Жол апаты «Батыс Еуропа – Батыс Қытай» автодәлізінде болған.

Алматыдан Түркістан облысына бет алған жеңіл көлік қарсы бағытқа шығып кетеді. Сөйтіп 30 жастағы жүргізуші өз жолына түсіп үлгермей, екінші көлікпен соқтығысады. Салдарынан қос көліктің де жүргізушісі мен салонда болған төрт жолаушы көз жұмды. Ал жарақат алған 6 адам жедел түрде ауруханаға жеткізілді. Оның ішінде жансақтау бөліміне жатқызылған екі науқастың жағдайы ауыр. Жол апатына қатысты қылмыстық іс қозғалды.

Сәкен Жұмашев, Тараз қалалық №1 аурухана Бас дәрігерінің орынбасары:

Бір ер азаматтың 7 қабырғасы сынған. Ол азамат қазір өте ауыр халде. Бірақ тұрақты. Екінші азаматымыздың бауырына зақым келген. Және көк бауырына зақым келген. Ол азаматымызда тұрақты. Ертең хирургия бөліміне ауыстырылады.

Данияр Әлімқұл