Абай облысында 300-ге жуық тұрғын қауіпсіз жерге көшірілді

Абай облысының Бородулиха ауданында 300-ге жуық тұрғын қауіпсіз жерге көшірілді. Қарағайлы орман алқабындағы қызыл жалынды сөндіру әлі жалғасып жатыр. Өрттің тұтанғанына бір тәуліктен астам уақыт өтті. Кеше аймақтағы жедел штаб басшылары елдімекендерге төнген қауіп жоқ деп мәлімдеген болатын. Алайда тілсіз жау Беревозка ауылына тым жақын келгендіктен тұрғындар түгел эвакуацияланған. Олардың бірқатары үйлерін тастап өз күшімен шыққан. Төрт-түлік мал да түгел шығарылды. Ұрлық-қарлық болмас үшін полиция ауылда кезекшілік атқаруға кіріскен. Оқиға орнына Төтенше жағдайлар вице-министрі Марат Күлдіков барды.

Ерлан Биғазиев, Березовка ауылының тұрғыны:

Бородулихада апайым тұрады. Соның үйіне кетіп бара жатырмыз. Кеше болған. Біраз аз болған. Қазір жақындап қалды.

Ержан Жақып