Астанада ауыз су тапшы

Құбырлардың жиі жарылуынан тұрғындар айлар бойы сусыз қалып жатыр. Биылдың өзінде осы мәселеге қатысты халықтан тек ресми түрде 9 мыңнан аса шағым түскен. Премьер-Министр Әлихан Смайылов Үкіметтегі кезекті жиында мәселені көтерді.

Ол келесі жылы су беру жоспарланып отырған 115 елдімекен бойынша жобалау құжаттарын биыл пысықтауды міндеттеді. Сондай-ақ елдегі 20 қаланы сумен жабдықтау және су бұрудың өндірістік процестерін автоматтандыру бойынша жобалау құжаттарын дайындау жұмыстарын аяқтауды тапсырды.

Әлихан Смайылов, Қр Премьер-Министрі:

Қазір 600 мыңнан астам азаматымыз ауыз суға мұқтаж. Бұл аса ауқымды және маңызды жұмыс. Алайда оған барлығы бірдей жауапкершілікпен қарап отырған жоқ. Сондықтан су мәселесінің үлкен әлеуметтік маңыздылығын ескере отырып, әрбір өңір, әсіресе ең төменгі көрсеткіштері бар облыстар жұмысты жандандыруы керек.

Азамат Бейбітұлы