Сальвадор стадионында 12 адам қаза тапты

Сальвадор астанасындағы «Кускатлан» стадионында 12 адам аяқ астында тапталып өлді. Тағы ондаған фанат жараланып ауруханаларға жеткізілген. Куәгерлердің айтуынша, трагедия жанкүйерлер екі команда арасындағы матчты тамашалау үшін стадионға көптеп кіріп жатқан сәтте болған. Ел президенті Наиб Букеле «Твиттерде» жазба жариялап, қайғылы оқиғаға байланысты командалар, менеджерлер, билет сату кеңсесі, футбол федерациясы мен лигасы тергеліп, ешкімнің жазасыз қалмайтынын ескертті.

Арыстан Рысбек