Павлодарда «Қазақ елінің ұлы перзенттері» деген атаумен конференция өтті

Ұлылардан қалған руханиятты мәңгілік мұра қылу үшін әлемдік өркениетпен ұштастыру қажет. Павлодарда «Қазақ елінің ұлы перзенттері» деген атаумен өткен халықаралық конференцияда ғалымдар осылай деді. «Этногроф, қазақ ауыз әдебиетін зерттеуші Мәшһүр Жүсіп Көпейұлы, жыр сұңқары Сұлтанмахмұт Торайғыров, медіресе ашып, ұлтты имандылыққа ұйытқан Ғабыл Уахит Тіленшеұлының бай мұралары әлі де зерттеуді, насихаттауды қажет етеді», - дейді көпшілік. Жиынға Түркия, Әзербайжан сынды бауырлас елдерден ғалымдар қатысты.

Амантай Құдабаев, С.Торайғыров атындағы университеттің профессоры:

Осы кісілерден қалған мына рухани мәдениеттің барлығы келер ұрпақтың санасына сіңуі үшін біз бұлар қалдырған жәдігерлерді әлемдік өркениетпен ұштастыра білуіміз керек. Сонда ғана біз ұрпақ алдында өзіміздің парызымызды орындаған болып есептелеміз.

 Болат Аманбаев