Жаңалықтарды Telegram арнамыздан оқыңыз!Өскеменде 5 қабатты тұрғын үйдің үшінші қабатындағы бір пәтердің балконы опырылып, бір адам құлап кетті. Оқиға орнына келген жәдел жәрдем дәрігерлері биіктен құлаған тұрғынды ауруханаға жеткізді. Абырой болғанда оның ешбір жері жарақат алмаған.Балконнан құлаған әйел үйінде 6 айлық сәбиі қалғанын айтқан. Баланы үйдің ішіне кіріп, сол маңдағы кеңсе қызметкерлері құтқарған. Ал пәтердің есігін көршілері арнайы құрылғымен ашқан. Ал балконның неліктен құлағанын арнайы мекеменің мамандары анықтайтын болады. Дегенмен Өскеменде 70-80 жыл бұрын салынған, әбден тозған көпқабатты үйлер өте көп.
Диана Жағыпарова, қала тұрғыны:
Сол арнайы құралмен әйтеуір әупірімдеп 20 минуттың ішінде аштық. Бала шырылдап жылап жатты. Бала 6 айлық. Оны көтеріп алдық та, далаға лып шықтық. Сосын офиске алып келдік те ұстап отырдық. Суын бердік ойнаттық.
Олжас Керейхан
