Президент Ұлттық банктің жылдық есебін қабылдады

Президент Ұлттық банктің жылдық есебін қабылдады. Қаржы ұйымы төрағасының мәліметінше, өткен жылы экономиканы долларлау көрсеткіші 31,6 пайызға азайған. Екінші деңгейдегі банктердің экономикаға кредит бөлу көлемі 23 пайызға артып, 23 триллион теңгеге дейін жетті. Жалпы экономикаға бөлінген кредит былтыр 22 пайызға артқан. Халықаралық резервтер де біршама өскен, 91 миллиард долларға жетті. 2014 жылдан бері бірыңғай жинақтаушы зейнетақы қорындағы активтер кірісінің жылдық мөлшері 9,33 пайыз болды, - деді Ғалымжан Пірматов. Президент мемлекеттік органдарға анағұрлым үйлесімді әрі тиімді жұмыс жүргізу қажет екенін айтты. Талқылау қорытындысы бойынша жылдық есепті мақұлдады.

Оңғар Алпысбайұлы