Жаңалықтарды Telegram арнамыздан оқыңыз!«Жанармайдан кейін азық-түлік қымбаттауы мүмкін. Сауда және интеграция министрлігінің өкілдері дизель мен бензин бағасының көтерілуі нарыққа әсер етпей қоймайды»,- дейді. Болжам бойынша түрлі тауар бағасы 5 процентке дейін көтерілуі мүмкін. Десе де министрлік өкілдері инфляцияны тоқтатып, бағаны тұрақтандыру үшін ауқымды жұмыстар басталып кеткенін айтты. Нәтижесінде жыл басынан бері инфляция небары 3,5 пайызға өскен. Айтуларынша, бұл соңғы 5 жылдағы ең төменгі көрсеткіш. Енді жанармай бағасы азық-түлікке қатты әсер етпеуі үшін тиісті шараларды қабылдадық деп отыр.
Айдар Әбілдабеков, ҚР Сауда және интеграция министрлігінің комитет төрағасы:
Мысалы азық-түлік қымбаттамауы үшін Ауыл шаруашлығы министрлігі арзан жанармай беріп жатыр шаруаларға.Сондықтан өнім шыққанға әсер етпейді. Ол қымбаттайды деп айта алмаймыз. Бірақ кейін тасымалдаған кезде әсері тиюі мүмкін. Кейін қала ішінде дүкендерге тасыған кезде әсері болады. Кішкене 2-5 пайызға өсуі мүмкін.
Досжан Маратұлы
