Қызылордада қаржы пирамидасын құрғандарға сот үкімі шықты

Қызылордада «Гранд-24 Ломбард» қаржы пирамидасын құрғандарға сот үкімі шықты. Атышулы болған ұйымды облыс аумағында 4 адам ұйымдастырып, олар 1200-ден астам тұрғынды сан соқтырған.

Сотталушылар қаржы пирамидасы арқылы адамдарды алдап-арбап, 1 миллиард 560 миллион теңге мен көптеген мүлікті заңсыз иемденген. Қылмыстық іске қатысты айыпталушылардың барлығы сотпен кінәлі деп танылып, 7 мен 8 жылға бас бостандығынан айыру жазасы тағайындалды. Оның бірі әйел. Айта кетейік, сот үкімі әлі заңды күшіне енген жоқ.

Әділбек Серікұлы