Салық төлемей, смартфон кіргізетіндерге қарсы арнайы заң жобасы әзірленіп жатыр

Заңсыз кіргізілетін смартфондардың кесірінен ел бюджеті жылына 100 миллиард теңгеден қағылып отыр. Цифрлық даму, инновациялар және аэроғарыш өнеркәсібі министрі бүгін осындай дерек келтірді. Бағдат Мусиннің айтуынша салық төлемей смартфон кіргізетіндерге қарсы қазір арнайы заң жобасы әзірленіп жатыр. Кейін құжат қабылданып жатса, телефонның IMEI кодтары кедендік бақылау кезінде тіркеуге алынып, арнайы базаға енгізілетін болады. Ал тіркелмей заңсыз кіргізілген смартфондарға сим-карта салынса да, ел аумағында істемейтін болады деді министр.

Досжан Маратұлы