Қазақ саңыраулар қоғамының өкілдері брифинг өткізді

Құлағы естімейтін жандар жұмыс таппай қиналып жүр. «Қазақ саңыраулар қоғамы» бірлестігі әр өңірдегі ұйым басшыларын жинап, осы мәселені көтерді. Ұйымға құлағы нашар еститін және мүлде естімейтін 16 мыңдай адам тіркелген. Оның ішінде екі қолға бір күрек таппай жүргені 3 мыңнан асады. Бұл топтағы азаматтарға ұсынатын жұмыс та көп емес, олар әдетте тігіншілік, кір жуу, үй тазалау, жиһаз жасау мен көгалдандыруға тартылады. Мемлекеттік тапсырыс болмаса, бұл жұмыстарды да ұсына алмаймыз дейді мекеме басшылығы.

Светлана Құрманбаева, «Қазақ саңыраулар қоғамы» Алматы қаласы оқу-өндірістік кәсіпорнының мекеме басшысы:

Оқып келген мүгедектер, жоғарғы білімді мүгедектер, олар экономист-бухгалтер болып бізде жұмыс жасайды. Цехтың басшысы болып істейді. Оқыған мүгедектер де көп. Біз жұмыс жағынан өте қиналамыз, қиындықпенен жұмыстар аламыз. 2-3 жыл бойына тоқтамай, жұмыспен қамту біздің арманымыз.

Айя Мүтәлі