Ақтөбе облысы 17 ауылға әлі жарық берілген жоқ

Ақтөбе облысында 17 ауыл төртінші тәулік жарықсыз отыр. Кешелі бері электр сымдары үзіліп, бағаналары құлаған 40 елдімекеннің тек, 23-інде жөндеу жұмыстары аяқталған.

Қазір алты ауданда жұмыс жалғасып жатыр. Әйтеке би, Қобда аудандарында 1 ауылда, Мәртөк пен Хромтауда 5, Ырғызда 3, Шалқардың 2 елдімекенінде жарық жоқ. Ал, Ресейдің Орынбор облысы аумағындағы ақаулар толығымен жойылған. Нәтижесінде, бұған дейін 20 ауыл электр энергиясыз қалған Мәртөк ауданында жағдай реттеліп келеді. Қазір мамандар бес ауылда жұмыс істеп жатыр. Жауаптылар, өзге аудандарда жөндеу жұмыстары ертең де жалғасуы мүмкін дейді.

Аслан Айтмағамбетов, Мәртөк ауданы әкімінің орынбасары:

Ремонттық жұмыстар жүргізіліп жатыр.Бағаналар қойылып жатыр және сымдары қойылып жатыр.қазіргі таңда осы жұмыстары аяқталғаннан кейін осы 5 ауылға жарық берілетін болады.

Жақсыбек Кемал