Шымкентте автобус апатынан аман қалған қыз ауруханадан шығады

Шымкентте жантүршігерлік автобус апатынан аман қалған бойжеткен осы аптада жарақатынан жазылып, ауруханадан шығарылады. Оны үйінде мүмкіндігі шектеулі анасы мен бес бауыры күтіп отыр. Қазір ауруханада емін жалғастырып жатқан Дариға Сейдалиеваның апат салдарынан миы шайқалып, түрлі дене жарақатымен ауруханаға жеткізілген еді. Қайғылы жағдайдан соң мегаполисте автобус жүргізушілерін сынақтан өткізу басталды. Әзірге 85 пайызы сүрінбей өткен.

Елдар Смағұлов, қалалық №1 клиникалық ауруханасы жарақаттар бөлімінің меңгерушісі:

Науқастың жағдайы қазір орташа деңгейде. Керек емін қабылдап жатыр. Операция болған жоқ және операция қарастырылмаған.

Ғани Қалмаханов