Жаңалықтарды Telegram арнамыздан оқыңыз!Ұлытау облысында әлеуметтік мекеме басшысы қарттардың 12 млн теңгесін ұрлады деген күдікпен ұсталды. Ол қарамағындағы қызметкерлерімен бірлесіп мекемеде тұратын зейнеткерлер мен мүгедектігі бар азаматтардың ақшасын жымқырған. Күдіктілердің жұмыс орны мен тұрғылықты мекенжайын тінту кезінде қарияларға тиесілі 800 мың теңгеге жуық ақша мен банк карталары тәркіленген. Сондай-ақ, қылмыстық әрекеттерді дәлелдейтін айғақ заттар табылған. Мекеме басшысы уақытша ұстау изоляторына қамалып, аса ірі көлемдегі алаяқтық фактісі бойынша сотқа дейінгі тергеу жүріп жатыр.
Руслан Нұрланұлы
