Ресейдің Камчатка түбегінде вулкан оянды

Ресейдің Камчатка түбегінде «Шивелуч» вулканы оянды. Елдің Ғылым академиясы геологиялық зерттеу бөлімінің мәліметінше, таудан көтерілген күл 100 мың шаршы шақырымдай аумақты басып қалған. Жанартаудың лавасы айналадағы қарды ерітіп, жақын маңдағы ауылдарға лай көшкіні қаупі төнді. Мектептер жабылып, тұрғындар үйден шықпау туралы ескертілді. Камчаткадағы ең белсенді вулкандардың бірі – «Шивелуч» соңғы 10 000 жылда шамамен 60 рет атқылапты. Соңғысы 2007 жылы тіркелген.

Арыстан Рысбек