ШҚО-да соңғы аптада 12 адамды кене шаққан

Шығыс Қазақстан облысында соңғы 1 аптада 12 адамды кене шағып алды. Олардың барлығына дер кезінде медициналық көмек көрсетілген. Биыл шығыста қар қалың түскенімен, қыс жайлы болды. Жер көк тоң болып қатқан жоқ. Бұл зиянкестердің ерте тірілуіне әсер еткен. Өңірде Қатон-Қарағай, Алтай, Ұлан, Глубокое аудандары және Риддер мен Өскемен қаласы кене көп таралатын аумақ болып саналады. Сондықтан эпидемиолог мамандар табиғат аясына шыққанда сақ болуды ескертеді. Денсаулық сақтау басқармасының өкілдері өңірде кене шаққан соң салынатын препараттар жеткілікті екенін мәлімдеді.

Олжас Керейхан