Ақтөбеде жаңа үйлердің құрылысы басталды

Ақтөбе облысының Қобда ауылында су тасқынынан зардап шеккендерге арналған тұрғын үйлердің құрылысы басталды. 24 баспана бірінші маусымға дейін пайдалануға берілуі тиіс.

Құрылысқа 4 мердігер компания жұмылдырылған.Жаңа үйлердің өз артықшылығы бар. Іргетасының биіктігі 3 метрге дейін жетеді. Әр баспананың көлемі 100 шаршы метр. Қазір ауданда алдағы жылдары қайталануы мүмкін су тасқынына қарсы іс-шаралар қолға алынды. Суды ауыл ішіне кіргізбеу үшін бөгет салынады. Жобалық-сметалық құжат әзірленіп жатыр. Айта кетелік, өткен айда қарғын су ауыл ішіне кіріп, жүзге тарта үй су ортасында қалды. Арнайы комиссия шығын көлемін әлі есептеп жатыр.

Болат Құлов, Қобда ауданының әкімі:

Барлық инфраструктурамен қамтылған.Су,газ,свет. Болашақта бұл жақтың абаттандыру жұмыстары басталады.Бұл жаңа үйлерге жол төселеді.

Жақсыбек Кемал