Астанада «Күн барлығына нұрын төгеді» қайырымдылық концерті өтті

Астанада «Күн барлығына нұрын төгеді» қайырымдылық концерті өтті. Шара барысында аутизмге шалдыққан жандар мен отандық әртістер, қазақ ұлттық хореография академиясының оқушылары өнер көрсетті. Іс-шараның мақсаты - түрлі диагноздары бар балалар да, қоғамның толыққанды мүшелері екенін жеткізу және аутизмнің ғасыр эпидемиясы болып бара жатқанына қоғам назарын аударту.

Шынар Әжімолдаева, қор құрылтайшысы:

Бұл қайырымдылық концертін 2 сәуір дүниежүзілік аутизм жайлы ақпарат тарату күніне байланысты биыл біз екінші рет өткізіп жатырмыз. Ерекше балалар жайлы, бойында аутизм бар балалар жайлы қоғам білсе дейміз. Осындай іс-шара арқылы қоғам естіп-біліп ортаға қабылдаса дейміз.