Шымкенттегі хайуанттар бағында сүйкімді қонжық пайда болды

Шымкенттегі хайуанттар бағында сүйкімді қонжық пайда болды. Өткен жылдың соңында төлдеген Тянь-Шянь аюы бұған дейін қысқы қорасынан шықпаған еді. Жұртшылықтың аю мен қонжықты қызықтауына енді ғана мүмкіндік туды. Бақ қызметкерлері қонжыққа Умка деп ат қойған. Қазір ол анасына еріп, тұрақ жайдың ішімен танысып жүр. Ара-тұра болмаса күндіз ішкі қордан сыртқа көп шыға бермейді. Бұл 2016 жылы Алматы хайуанаттар бағынан әкелінген Бимка мен Татьяна атты аюлардың қонжығы. Оның енесі бұған дейін 2018 жылы төлдеген. 

Ғани Қалмаханов