Қазақстандық стартап жобасы бүкіләлемдік байқауда үздік деп танылды

Электрондық оқулықтардың қазақстандық платформасы бүкіләлемдік байқауда үздік деп танылды. TopIQ стартап жобасы мектепке ауыр сөмке тасымай, кітапта бар бүкіл ақпаратты онлайн көруге көмектеседі. Идея авторлары Лондонда өткен Білім беру технологияларының халықаралық мамандандырылған көрмесіне қатысып, тұсаукесерін өткізді. Bett Show – 35 мыңнан астам оқытушы мен білім саласының мамандарын біріктіретін дүниежүзілік көрме. Жиналғандар жаңа технология және инновациялармен танысып, өзекті мәселелердің шешімін іздейді.

Анеля Баталова, баспахана өкілі:

Халықаралық аренаға отандық өнімімізбен шыққанымызға қуаныштымыз. Бұдан да жоғары белестерді бағындырып, Қазақстанды жақсы қырынан таныта береміз деген үміттеміз.

Марина Бекенова