Сауд Арабиясында автобус көпірге соғылып, өртеніп кетті

Сауд Арабиясында жолаушыға толы автобус көпірге соғылып, аударылып, өртеніп кетті. Соңғы мәліметке қарағанда, 20 адам қаза тауып, 29-ы жараланды. Қайғылы оқиға елдің оңтүстік-батысындағы Йеменмен шекаралас Асыр провинциясында болды. Жергілікті полицияның сөзінше, жол апатына көліктің тежегішінің істен шығуы себеп болған тәрізді. Қаза тапқандар мен зардап шеккендер арасында қазақстандықтар жоқ деп мәлімдеді Қазақстанның Сыртқы істер министрлігі.

Арыстан Рысбек