«Ақтөбе-Атырау-Астрахань» жолы 2024 жылы пайдалануға беріледі

Биыл қазынадан автожолдарға 30 млрд теңге бөлінеді. Бұл туралы индустрия және инфрақұрылымдық даму министрлігі хабарлады. Сондай-ақ Атырау мен Орал, Қарағанды мен Жезқазғанның арасына жаңа жол төселеді. Сонымен қатар Ақтөбе-Ұлғайсын тасжолын салу жоспарланып отыр. Жаңа жобалардың жоспарлау жұмыстары басталып кеткен. Комитет төрағасының орынбасары Амангелді Бековтың сөзінше биыл «Талдықорған-Өскемен» және «Орталық – Оңтүстік» дәлізі бойынша жол учаскелері ашылады. Ал батыс өңірлерді өзара байланыстыратын Ақтөбе-Атырау-Астрахань автожолы келер жылы пайдалануға берілмек.

Мейрхат Қасымбаев, «Қазавтожол» ҰК» АҚ Басқарма төрағасы:

Былтыр 93 шақырымын бердік. Биылғы жылы тағы да 103 шақырымын ашамыз. Ары қарай жалғастырыла береді. Жол соғу кейде созылып кетіп те жатады. Ол үкімет жағынан ақша бөлуге байланысты.

Ұмсындық Наурызбаева