АҚШ-тағы торнадоның соққысынан 26 адам қаза тапты

АҚШ-тың Миссиссипи штатында алапат торнадоның соққысынан 26 адам қаза тапты. Тағы жүздеген тұрғын қауіпсіз жерге көшірілген. Жергілікті биліктің болжамынша, аймақта тағы да жойқын дауыл соғуы мүмкін. Жұма күні Миссиссипиден бастап, Алабамаға дейінгі аралықта көтерілген сұрапыл құйыннан ағаштар құлап, жүк машиналары аударылып, үйлер қирап, электр сымдары үзілді. Осыған байланысты президент Джо Байден аймақта төтенше жағдай жариялап, қатты зардап шеккен елді мекендер мен қалаларға федералдық үкіметтен көмек берілетінін хабарлады. Сонымен қатар, Миссиссипи тұрғындарына жәрдемдесуге Арканзас, Теннеси, Луизиана штаттарынан еріктілер аттанды.

Арыстан Рысбек