Семейде су тасқыны болуы мүмкін деген аумақтарды тікұшақпен бақылады

Төтенше жағдайлар қызметінің мамандары мен Абай облысының басшылары су тасқыны болуы мүмкін деген аумақтарды тікұшақпен бақылады. Семей қаласы мен Бесқарағай, Бородулиха аудандарының төңірегіндегі су қоймалары мен Ертіс, Үбі өзендегі гидрогиологиялық жағдайды көрді. Қазір өңірде қар қарқынды түрде еріп жатыр. Ертіс өзенінде Шүлбі су қоймасынан Павлодар облысының төңірегіне дейін өзенде мұз кептелісі жоқ. Су қоймалары қалыпты жұмыс істеп тұрғаны анықталды. Облыс әкімінің орынбасары өңірде су тасқыны жағдайы бақылауда дейді.

Ержан Жақып