Exit poll өкілдері Шымкент қаласындағы сайлаушылар арасында әлеуметтік сауалнама жүргізді

Exit poll өкілдері Шымкент қаласындағы дауыс берушілер арасында да әлеуметтік сауалнама жүргізді. Социолог мамандар аймақтағы дауыс беру учаскелерінің шыға берісінде тұрып, жұртшылықтың пікірін жинақтады. Олар сайлаушылардан «Сіз кімге дауыс бердіңіз», «Қай саяси партияны қолдадыңыз?» деген сұрақтарға жауап алды. Бұл мәліметтер құпия сақталады. Басты мақсат - сайлау нәтижелеріне алдын ала болжам жасау.

Динара Оралова, «Демократия институты» ғылыми-зерттеу қауымдастығының интервьюері:

Анонимді тұрғыда сауалнама жүргізу арқылы біз расымен де халық сол кандидаттарға дауыс беріп жатыр ма? Дауыс беру шынайы тұрғыда өтіп жатқанын зерттейтін боламыз. Сайлаушы мен сауалнама жүргізуші арасында құпия жағдайда өтіп жатқан сауалнама.

Ғани Қалмаханов