Жаңалықтарды Telegram арнамыздан оқыңыз!Қызылорда облысында Exit poll өкілдері әлеуметтік зерттеу жүргізіп жатыр. Сайлаушылар пікірін білу үшін облыстағы 58 сайлау учаскесінде 4 қоғамдық институттың өкілдері жұмыс істеп жатыр. Оған арнайы оқытылған 60-тан астам сұхбат алушылар жұмылдырылған. Олар дауыс беру аяқталғанша, сайлаушылар арасында сауалнама жүргізеді. Тұрғындардың берген ақпараты анонимді түрде сақталады. Сайлаудың болжамды нәтижелері түнгі 12-ден кейін жарияланады.
Насихат Смайыл, интервьюрер:
Сауалнама негізі респонденттің ұлтына қарай қазақша, орысша жүргізіледі. Сайлаушылардың келуін санаумен айналыспаймыз. Біз тек қана шыққан адамнан сұрақ қою арқылы жауап аламыз. Белгіленген уақытта осыншама адам қамту керек деген тапсырма бойынша респонденттерді қамтып жұмыс жасаймыз.
Әділбек Серікұлы
