Жаңалықтарды Telegram арнамыздан оқыңыз!Ақтөбе облысының Ырғыз ауылында қолөнердің тегін үйірмесі ашылды. Оқушы қыздарға тоқыма тоқу, кесте және киім тігуді әжелер үйретеді.
Бұл үйірмеге қазірдің өзінде мектептен тыс уақытта 20-ға жуық қыз келіп жүр. Әжелердің бірі оларға жүн түтуді, екіншісі ұршық иіруді үйрете бастаған. Былтыр бұл ауылда «Қазақ аналары — дәстүрге жол» қоғамдық бірлестігінің бөлімі ашылған. Қазір ұйымға 30-ға жуық әже мүше. Олар үйірмеге келетін балалар саны әлі артады деп сенеді.
Раяна Нұрболатқызы, оқушы:
Бос уақытымызда осы «Дәстүр» үйірмесіне келіп, тоқыма, кесте тігіп үйренеміз. Және әжелер бізге түрлі кестелер, сондайларды үйретеді.
Баршагүл Омарбаева, «Дәстүр» үйірмесінің жетекшісі:
Көп келеді деп ойлаймын. Себебі бірін бірі ертіп келіп жатыр. Бірінен бірі құлақтанып жатыр. Біз жақын арада ашылғандықтан әлі хабарландыру, жарнамасын жасай қойған жоқпыз. Енді кірісіп жатырмыз.
Жақсыбек Кемал
