Жаңалықтарды Telegram арнамыздан оқыңыз!Президенттің бір жыл бұрынғы халыққа Жолдауында әкімшілік-аумақтық құрылымды жетілдіру туралы айтылған. Мемлекет басшысының жарлығымен елімізде жаңа 3 облыс құрылды. Шығыс Қазақстаннан еншісін алып шыққан Абай облысының орталығы Семей қаласы болды. Алматы өңірі де екіге бөлініп, Жетісу облысы құрылды. Жаңа облыстың орталығы Талдықорған, ал Алматы аймағының әкімшілігі Қонаев қаласына көшірілді. Жер аумағы бойынша еліміздің ең үлкен облысы болған Қарағанды облысы да екіге бөлінді. Жаңадан Ұлытау өңірі құрылды. Құжат 8 маусымнан бастап күшіне енген.
Айя Мүтәлі
