Израильде сот реформасына қарсы шеру қайта өтті

Бұл Израиль парламенті Кнессеттің қасында өткен демонстрация. Жергілікті тұрғындар оңшыл премьер-министр Биньямин Нетаньяхудың сот рефомасына наразылық білдіріп жатыр. Жақында осындай акцияға жарты миллиондай адам қатысқан. Коррупция үшін айыпталып, өзіне тағылған кінәларды жоққа шығарған үкімет басшысы Жоғарғы соттың пәрменін шектегісі келеді. Өйткені, Нетаньяхудың ойынша, бұл өзгеріс нәтижесінде билік тармақтары арасында тепе-теңдік орнайды екен. Алайда, шерушілер мұндай реформа Израиль мен оның демократиясына қауіп төндіріп тұр деп есептейді.

Чай Энглбейг, шеруші:

Олар бұл өзгерістердің көбін сахнаның артында жасап жатыр. Мақсаттары - Израильді діни елге айналдырып, оның демократиясы мен тәуелсіздік туралы декларациясын өзгерту. Сондықтан, бұл коалицияның кез-келген мүшесі біздің наразылығымызға тап болып отырады.

Арыстан Рысбек