Ақтөбе облысының Бабатай ауылына баратын өткелді су шайып кетті

Ақтөбеліктерді де қарғын су әлекке салып жатыр. Бұл жолы Темір ауданының Бабатай елдімекеніне баратын өткелді су шайды.

Құмнан салынған өткел ағын судың екпініне төтеп бере алмаған. Енді ауыл тұрғындары судың беті қайтқанша аудан орталығына қайықпен ғана қатынай алады.

Қарғын су Алтықарасу ауылына да жақындаған. Елдімекеннен 6 шақырым жерде 110 бас сиыр мен 12 жылқы су ортасында қалған. Құтқарушылар техниканың көмегімен оларды қауіпсіз жерге шығарды. Өңірдегі тасқын қаупі бар аудандарда кезекшілік ұйымдастырылып, су деңгейі бақылауға алынды.

Жақсыбек Кемал