Елімізде мәдениет саласы қызметкерлерінің жалақысы өседі

Мемлекет басшысы мәдениет және спорт министрі Асхат Ораловты қабылдады. Кездесу барысында Алматы облысында спортшыларды олимпиадаға даярлайтын Республикалық базаның құрылысы және алдағы халықаралық жарыстарға дайындық барысы баяндалды. Биыл алғаш рет жас жазушылар мен ақындарға арналған әдеби сыйлық табысталады. Сондай-ақ, туризмді дамыту тетіктері айтылып, мәдениет саласы қызметкерлерінің жалақысын өсіру мәселесі де қамтылды.

Асхат Оралов, ҚР Мәдениет және спорт министрі:

Әрине бүгінгі күнде ең өзекті мәселе мәдениет саласы қызметкерлерінің жалақысы болып тұр. Соны өсіру арттыру, мақсатында кешенді шаралар қабылданатын болады. 2025 жылға дейін 100 пайызға мәдениет саласының қызметкерлерінің жалақысын көтеретін боламыз.

Азамат Бейбітұлы