Балалардың төлқұжаты арзандауы мүмкін

Кәмелеттік жасқа толмаған балалардың жеке куәлігіне төленетін баж салағының сомасы төмендетілмек. Сенаторлар «Салық және бюджетке төленетін басқа да міндетті төлемдер туралы» заң жобасын мақұлдады. Депутат Сергей Карплюктың сөзінше, төлқұжат рәсімдеу құны 27600 теңгеден 13800 теңгеге арзандайды. Сондай-ақ паспорт парақтарының санына қарай, мемлекеттік баждың сараланған мөлшерлемесі 22 беттен тұратын паспорт – 4 айлық есептік көрсеткішке дейін, 36 бетке – 8, 48 бетке – 12 айлық есептік көрсеткішке дейін енгізілмек. Сәйкесінше, жеке куәлігін жиі жоғалтатындарға мемлекеттік баж сомасы өсуі мүмкін.

Асылбек Данияр