Каспий құбыр консорциумы ертең жұмысын жандандырады

Каспий құбыр консорциумы арқылы мұнай экспорты ертең қайта жанданбақ. Компания 19 ақпан күні Қара теңіздегі дауылдың салдарынан жұмысын тоқтатқанын хабарлаған. Бірақ мұнай өндірісі жалғасып жатыр. Жұмыстың жандануы ауа райына байланысты. Болжам бойынша бейсенбі күні дауыл тоқтауы керек. Бұл жайында Энергетика министрі Болат Ақшолақов айтты.

Болат Ақшолақов, ҚР Энергетика министрі:

Ауа райы апаттық жағдай туғызып жатыр Қара теңізде. Сол себепті кемелер порттың кемежайына кіре алмайды. Ол өте қауіпті. Осындай ауа райында мұнайды құйып, оны жеткізуге болмайды. Болжам бойынша бейсенбі күні ауа райы дұрысталуы керек. Кешке дейін дұрысталатын болса,  мұнайды кемелерге құю қайта жалғасады.