Украинада қарулы қақтығыстан бір жылда 8 мың адам қаза тапты - БҰҰ

Украинада қарулы қақтығыстан бір жылда 8 мыңдай адам қаза тапқан. Мұны Біріккен Ұлттар Ұйымының Адам құқығы жөніндегі жоғары комиссары хабарлады. Оның дерегінше, жергілікті тұрғындар негізінен артиллериялық снарядтар жарылысынан, қанатты және баллистикалық зымырандар мен бомбалаушы ұшақтардың соққыларынан опат болған. Тағы бір айта кететін жайт, осы құрбандардың 2 мыңы – Мариупольда қырылғандар.

Мәскеу Украинаға былтыр ақпанның 24-де әскер кіргізді. Алайда, Кремль Ресей әскері көрші мемлекетте азаматтық нысандарды әдейі көздеді деген ақпаратты үнемі жоққа шығарып келеді.

Арыстан Рысбек