Байден Варшавада мәлімдеме жасады

АҚШ президенті Джо Байден Варшаваға сапарында Украинадағы соғыстың бір жылдығына байланысты мәлімдеме жасады. Оның сөзінше, украиналықтар қазір нық тұр және олар ешқашан жеңілмейді.

Сейсенбіде Ресей президенті Владимир Путин ядролық қару санын шектеу жөніндегі АҚШ-пен жасалған стратегиялық келісімге қатысуын тоқтататынын жариялаған. Алайда Байден бұл мәселеге қатысты түсініктеме берген жоқ. Ақ үй басшысының сөзінше, Вашингтон мен оның одақтастары Киевпен бірлесіп, Ресейді жоюды көздемейді.

Джо Байден, АҚШ президенті:

Осылайша, бүгінгі кеште мен тағы да Ресей халқымен сөйлескім келеді. Америка Құрама Штаттары мен Еуропа елдері Ресейді бақылауға немесе жоюға талаптанып отырған жоқ. Батыс, Путин айтқандай, Ресейге шабуыл жасауды жоспарлаған емес. Миллиондаған ресейлік болса, көршілерімен тату өмір сүргісі келеді. Ал, бұл соғыс ешқашан қажет болмаған, Ол - трагедия.

Арыстан Рысбек