Жаңалықтарды Telegram арнамыздан оқыңыз!Павлодарда заңсыз жолмен Ресей астығын Өзбекстан, Ауғанстан және Тәжікстанға сатқан кәсіпкер ұсталды. Ол бір жылдың ішінде құны 1 млрд теңгеден астам 8300 тонна импорттық бидайды шекара асырған. Көрші елден кіргізілген өнімді кедергісіз экспорттау үшін жергілікті шаруа қожалықтарынан сатып алынды-деген жалған құжатты пайдаланған.
Әмірлан Шотпанов, Экономикалық тергеп-тексеру департаментінің тергеушісі:
Экспорттық тауарды жеңілдетілген тарифпен жөнелту үшін астық Қазақстанда өсірілген деп көрсеткен. Есеп құжаттарының заңсыз екендігі дәлелденді. Транзиттік тарифтен жалтару арқылы Қазақстан Темір Жолы компаниясына 150 млн теңге көлемінде залал келтірілді. Тергеу әлі жалғасып жатыр.
Болат Аманбаев
