Жаңалықтарды Telegram арнамыздан оқыңыз!«Орал» халықаралық әуежайы мемлекет меншігінде қалады. Бұған дейін оның инвесторлары ауысып, терминалдың 51 пайыз акциясын екі қазақстандық, 49 пайызын ресейлік компания сатып алғаны жайлы ақпарат тараған. Ал жергілікті билік стратегиялық нысанның 3 жылға сенімгерлік басқаруға берілгенін, ал инвесторларды ауыстыру олардың ішкі мәселесі екенін айтты. Былтыр әуежай ғимараты мен терминалы 6,6 млрд теңгеге қайта салынып, Халық қаһарманы Мәншүк Мәметованың есімі берілген.
Айдар Менеев, облыстық Жолаушылар көлігі, автомобиль жолдары басқармасының басшысы:
Бүгін стратегиялық маңызы бар нысандар мемлекеттің меншігінде. Атап айтқанда, ұшу-қону жолағы Индустрия және инфрақұрылымдық даму министрлігі Азаматтық авиация комитетінің теңгерімінде, жолаушылар терминалы, яғни әуежай ғимараты «Aqjaiyq» ӘКК» АҚ теңгерімінде. Тиісінше, алаңдаушылыққа негіз жоқ деп сендіреміз.
Ардақ Мұратқызы
