Басты Жаңалықтар Елдегі 471 гидротехникалық нысан жөндеуді қажет етеді

Елдегі 471 гидротехникалық нысан жөндеуді қажет етеді

13.02.2023 20:14

Заңсыз аң аулауға және орман ағашын кесуге қарсы күрес шаралары күшейтіліп жатыр. Бұл туралы Мемлекет басшысының қабылдауында болған Экология және табиғи ресурстар министрі Зүлфия Сүлейменова айтты. Ведомство басшысы Президентке су тасқыны кезеңіне дайындық барысы туралы мәлімет берді.

Оның айтуынша, жуық арада Абай және Шығыс Қазақстан облыстарында тексеру жұмыстары басталады. Сонымен бірге гидротехникалық нысандардың 471-і жөндеуді және жаңғыртуды қажет етеді. Кездесу соңында Қасым-Жомарт Тоқаев жыл соңына дейін барлық гидротехникалық құрылыстарды тексеруді аяқтау қажеттігін тапсырды.

Зульфия Сүлейменова, ҚР Экология және табиғи ресурстар министрі:

Мемлекет басшысының бүгінгі қабылдауында елімізде қалыптасып жатқан гидрометеорологиялық жағдай туралы тиісті ақпарат бердім. Республика меншігіндегі гидротехникалық құрылыстардың осы су тасқыны кезінде дайындығы туралы ақпарат бердім және министрліктің 2023 жылға арналған жоспары туралы хабардар еттім.

Бөлісу