Ақтауда Құрманғазының 200 жылдығына орай мерекелік концерт өтті

Күй атасы Құрманғазының «Адайы». Мен қазақпын деген жанның жігерін жаныған, тебіренткен күй бұл. Ақтауда дәулескер күйшінің 200 жылдығына орай мерекелік концерт өтті.

Абыл Тарақұлы атындағы ұлт аспаптар оркестрі «Сарыарқа», «Балбырауын», «Кішкентай» сияқты танымал туындыларды нақышын келтіре орындап, көрерменге ерекше көңіл-күй сыйлады. Батыстағы белгілі күйшілер де аңыз адамның шығармаларын орындап, тыңдаушының құлақ құрышын қандырды. Қазақ даласын асқақ та, жігерлі күйлерімен тербеген, артында өшпес мұра қалдырған тұлғаның мерейтойына арналған шаралар еліміздің бірқатар өңірінде аталып өтпек.

Жеткізген Сейітов, жыршы, Ақтау қаласының тұрғыны:

Байқап отырсам, Құрманғазының күйлерінің ноталары тастай, әрі тіпті қайталанбайтын сондай туындылар. «Серпер», «Сарыарқа» секілді күйлері деген масқара керемет. Концерт 2 сағат 1,5 сағаттай болды. Рухани жақсы демалып шықтық.

Аягөз Оралбайқызы