Жаңалықтарды Telegram арнамыздан оқыңыз!Атыраудағы Жылыой және Исатай ауданы аумағында қамыс өртенді. Соның салдарынан шаһарды ыс басып қалды. Оқиға Каспийге жақын жерде болған. Теңіз жағалауында 100 шақырым радиуста аэровизуалды тексеру жүргізілді. Тікұшақпен барлау жұмысының нәтижесінде бас-аяғы 260 гектарға жуық аумақты жалын шарпығаны анықталды. Сонымен қатар, 3 жану ошағы тіркелді. Тілсіз жау әсіресе Исатай ауданындағы аумақта ырық бермей тұр. Мамандар қызыл жалынның қалаға және елді мекендерге қауіп төндірмейтінін айтады. Қазір өрт ошақтарын жою мәселесі қарастырылып жатыр.
Жандос Темірғали
