Жаңалықтарды Telegram арнамыздан оқыңыз!«AMANAT» елдегі саяси реформалардың алғы шебінде болуы керек. Бүгін Астанада өткен кеңесте партия төрағасы Ерлан Қошанов саяси ұйым өкілдеріне осылай деді. Жиында партияның қазіргі жұмысы мен алдағы сайлау науқанына дайындық барысы талқыланды.
Іс-шараға орталық аппарат қызметкерлері, белсенділер мен өңірлік филиалдардың басшылары қатысты. Ерлан Қошанов алдымен партияластарын тыңдап, алдағы сайлау науқанына дайындық мәселесі бойынша бірқатар міндет жүктеді.
Ерлан Қошанов, «AMANAT» партиясының Төрағасы:
Бұл сайлауға біз «AMANAT» үлкен дайындықпен келе жатырмыз. Біздің мүмкіндіктеріміз мол. Қалыптасқан дәстүрлі электоратымыз, үлкен тәжірибеміз бар. Ендігі міндет – осы жұмысты дұрыс ұйымдастырып, сайлаушыларды ортақ мақсат алдында біз жұмылдыра отырып, әділ және таза жеңіске жету. Партия елімізде қазір жүргізіліп жатқан үлкен саяси реформалардың алғы шебінде болуы тиіс.
Серік Селеубайұлы
