Былтыр 68 кәсіпорын жұмысшыларға 1,5 млрд теңге қарызын өтеді - Бас прокуратура

Былтыр 68 кәсіпорын жұмысшыларға 1,5 млрд теңге қарызын өтеді. Бұл туралы Бас прокуратура хабарлады. Құзырлы мекеменің мәліметінше, 4 мың қызметкердің жалақысы төленген. Мәселен Солтүстік Қазақстандағы «Темір» серіктестігі 243 адамға 60 млн теңге қарыз болған. Отандық және шетелдік жұмысшылардың еңбекақысы бойынша да бірқатар заң бұзушылықтар анықталды. 228 адам әкімшілік жауапкершілікке тартылып, 150 шетел азаматы елден шығарылды. Бұдан бөлек прокурорлардың актісі бойынша 30 мың жұмысшының жалақысына үстемеақы белгіленіп, 600-ден астам қызметкерге өтемақы төленді.

Шерхан Жамбылұлы